ອົງການອາຫານ ແລະ  ການກະເສດ ປະຈຳ ສປປ ລາວ

ອົງການອາຫານ ແລະ ການກະເສດ (FAO) ໄດ້ໃຫ້ການຊ່ວຍເຫຼືອທັງພາກລັດ ແລະ ປະຊາຊົນຢູ່ໃນເຂດຊົນນະບົດ ແລະ ເຂດຫ່າງໄກສອກຫຼີກ, ບົນພື້ນຖານແນວທາງແຜນ ການພັດທະນາ ເສດຖະກິດ-ສັງຄົມແຫ່ງຊາດ ຂອງລັດຖະບານລາວ. ອົງການ FAO ໄດ້ມີສ່ວນຮ່ວມໃນການສ້າງເອກະສານ ຂອບການຮ່ວມມືດ້ານການພັດທະນາ ຂອງອົງ ການສະຫະປະຊາຊາດສຳລັບ ປະຊາທິປະໄຕ ປະຊາຊົນລາວ (UNDAF) ເພື່ອແນໃສ່ ເຮັດໃຫ້ການຮ່ວມມືກັບ ສປປ ລາວ ແຫນ້ນແຟ້ນຂຶ້ນກ່ວາເກົ່າ.

ການຊ່ວຍເຫຼືອທາງເຕັກນິກ ແລະ ດ້ານນະໂຍບາຍ, ໂດຍອົງການ FAO ຮວມທັງບັນ ດາອົງການຈັດຕັ້ງອື່ນໆ, ໃນການສົ່ງເສີມຄວາມສະເຫມີພາບ ທາງດ້ານບົດບາດຍິງ-ຊາຍ ແລະ ການສ້າງຄວາມເຂັ້ມແຂງໃຫ້ແກ່ແມ່ຍິງ, ການປົກປັກຮັກສາສະພາບແວດ ລ້ອມ, ການສ້າງຄວາມສາມາດ ແລະ ຄວາມເຂັ້ມແຂງໃຫ້ແກ່ສະຖາ ບັນຕ່າງໆ.

ການເຮັດວຽກໄດ້ສຸມໃສ່ 4ເຂດຄື:                                               

1. ການປັບປຸງການຄ້ຳບຽງອາຫານໃນຄົວເຮືອນ ແລະ ການສ້າງຄວາມສາມາດ ໃຫ້ແກ່ກຸ່ມເປົ້າຫມາຍ ເພື່ອຄ້ຳປະກັນສະບຽງອາຫານ, ໂດຍຜ່ານທາງຂໍ້ມູນ ຂ່າວສານ ແລະ ແນວທາງນະໂຍບາຍທີ່ດີຂຶ້ນກວ່າເກົ່າ.

2. ການຈັດສັນການນຳໃຊ້ຊັບພະຍາກອນທຳມະຊາດແບບຍືນຍົງ ແລະ ການຫຼຸດ ຜ່ອນຄວາມທຸກຍາກ.

3. ການປະຕິຮູບການກະສິກຳແບບພໍຢູ່ພໍກິນ ໄປສູ່ການຜະລິດສິນຄ້າເພື່ອປ້ອນຕະ ຫຼາດກະສິກຳໃນພາກຕາເວັນອອກ.

4. ການສົ່ງເສີມລະບົບການຄຸ້ມຄອງ ການປອດພະຍາດໄຂ້ຫວັດສັດປີກ, ການໃຫ້ ຂໍ້ມູນຂ່າວສານ, ການສຶກສາ ແລະ ວຽກງານຊຸມຊົນກ່ຽວກັບການໂຄສະນາ ເປີດກ້ວາງດ້ານຄວາມຮູ້ກ່ຽວກັບຄົນເຮົາ ແລະ ໄຂ້ຫວັດສັດປີກ.