Монгол дахь НҮБ-ын Хүнс, хөдөө аж ахуйн байгууллага

1973 оны 11-р сарын 12-ны өдөр Монгол Улс НҮБ-ын Хүнс, хөдөө аж ахуйн байгууллагад гишүүнээр элссэн. НҮБ-ын ХХААБ-ын төлөөлөгчийн газар 2009 оны 7-р сарын 1-нд Улаанбаатар хотод нээгдэж, 2018 онд бүрэн эрхт төлөөлөгчийн газар болон ажиллаж эхэлсэн. НҮБ-ын Хүнс, хөдөө аж ахуйн байгууллагын стратегийн хүрээ мөн НҮБ-ын Тогтвортой хөгжлийн хамтын ажиллагааны хүрээтэй уялдуулан 2023–2027 оны Монгол Улсад хэрэгжүүлэх хамтын ажиллагааны хөтөлбөрийн хүрээг шинэчлэн боловсруулсан. Энэхүү стратеги нь Монгол Улсын хэрэгцээ, тэргүүлэх чиглэлд тулгуурлаж, тогтвортой хөгжлийг хангахад чиглэж байна.

Монгол дахь үйл ажиллагаа нь 2030 он хүртэлх Тогтвортой хөгжлийн зорилгуудыг хэрэгжүүлэхэд хувь нэмэр оруулж, хүнсний аюулгүй байдлыг хангах, шим тэжээлийг сайжруулах, хөдөө орон нутгийн амьжиргааг дээшлүүлэхэд төвлөрдөг. Түүнчлэн, санхүүжүүлэгч түншүүд, эрдэм шинжилгээний байгууллагууд, иргэний нийгэм, орон нутгийн малчидтай өргөн хүрээнд хамтран ажиллаж, хөдөө аж ахуйн тогтвортой байдлыг нэмэгдүүлэх, байгаль орчны хамгаалал, биологийн олон янз байдлыг хадгалахад чухал үүрэг гүйцэтгэж байна.