ເຝຶກອົບຮົມການນຳໃຊ້ ແອັບຫຼັກຊາ ໃນການເກັບຂໍ້ມູນກະສິກຳ
ກົມຄຸ້ມຄອງ ແລະ ພັດທະນາທີ່ດິນກະສິກຳ (ຄພດກ), ພາຍໄຕ້ການສະໜັບສະໜູນຈາກ ໂຄງການໃຫ້ທືນໂດຍ GEF ຂອງ FAO ໂຄງການສ້າງຄວາມເຂັ້ມແຂງໃຫ້ແກ່ລະບົບຂໍ້ມູນຂ່າວສານ ແລະ ການຕິດຕາມຂໍ້ມູນອຸຕຸກະເສດ (SAMIS), ເຊິ່ງປັດຈຸບັນນີ້ທາງກົມສາມາດເຂົ້າເຖິງລະບົບຫຼັກຊາໄດ້ ຜ່ານທາງ URL www.lacsa.net ແລະ ສາມາດເຂົ້າໄດ້ທ່າງ ແອັບຂອງລະບົບແອນດຣອຍ ແລະ ໄອໂອເອສໄດ້.
ໃນທີ່ນີ້ໜາຍຄວາມວ່າທາງກົມ ແມ່ນສາມາດເຂົ້າເຖິງລະບົບ, ສາມາດດັດແກ້ຂໍ້ມູນໃນລະບົບ ແລະ ສາມາດດັດແກ້ຂໍ້ມູນກະສິກຳຢູ່ທາງໃນລະບົບໄດ້. ນີ້ແມ່ນມີຄວາມສຳຄັນສຳລັບ ຄພດກ ຫຼາຍໃນການດັດແກ້ຂໍ້ມູນ ໃນກໍລະນີທີ່ມີຄວາມຜິດພາດ. ໃນເວລາດຽວກັນນັ້ນ ທາງກົມກໍ່ສາມາດ ຕິດຕາມສະພາບການປ້ອນຂໍ້ມູນຈາກທ້ອງຖິ່ນ. ຕົວຢ່າງວ່າ ຖ້າຫາກວ່າອົງກອນທ້ອງຖິ່ນໃດໜຶ່ງຫາກບໍ່ ອັບໂຫຼດຂໍ້ມູນຕົງຕາມເວລາ ທາງກົມແມ່ນສາມາດກວດສອບໄດ້ໂດຍອັດຕະໂນມັດເທິງຈໍຄອມພິວເຕີ້, ແລະ ສາມາດກຳນົດມາດຕະການແກ້ໄຂບັນຫາດັ່ງກ່າວ.
ກ່ອນການເຝິກອົບຮົມຄັ້ງນີ້ ການມີສ່ວນຮ່ວມໃນການເກັບຂໍ້ມູນ ຂອງຫ້ອງການເມືອງ ແມ່ນມີແຕ່ພາກສ່ວນຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມເມື່ອງເທົ່ານັ້ນ, ໃນໄລຍະຜ່ານການເຝິກອົບຮົມນີ້ ໄດ້ສ້າງຂີດຄວາມສາມາດໃຫ້ແກ່ເບື້ອງກະສິກຳເມືອງເຊັ່ນດຽວກັນເພື່ອຮັບປະກັນວຽກງານດັ່ງກ່າວ.
ການເຝິກອົບຮົມດຳເນີນໂດຍ ດຣ ຄິມ ກວງຢູນ, ມີຜູ້ເຂົ້າຮ່ວມທັງໜົດຈາກ ກົມຄຸ້ມຄອງພັດທະນາທີ່ດິນກະສິກຳ 11 ທ່ານ.