ФАО менен Кыргызстан отуз жылдан ашык убакыттан бери ийгиликтүү кызматташып келет. Бул өнөктөштүктүн маанилүү этабы 2025-жыл болду, анда өлкөдө ФАОнун өкүлчүлүгүн түзүү жөнүндө макулдашууга кол коюлду.

ФАОнун жардамы туруктуу азык-түлүк коопсуздугун камсыз кылуу боюнча баалоо, пландаштыруу жана чараларды ишке ашыруу жаатында мүмкүнчүлүктөрдү чыңдоого багытталган. Өсүмдүктөрдү өстүрүү, мал чарбачылыгы жана балык чарбасы тармактарында долбоорлор ишке ашырылууда, өзгөргө дуушар болгон климаттык шарттарда туруктуу жер пайдалануу жана токой чарбасына колдоо көрсөтүлүүдө, табигый кырсыктардын тобокелдиктерин башкаруу боюнча иштер жүргүзүлүүдө.

Органикалык өндүрүштү өнүктүрүүгө жана тамак-аш азыктарынын сапатын контролдоого өзгөчө көңүл бурулууда. Кыргызстанда “Бирдиктүү Ден соолук” ыкмасы активдүү ишке ашырылып, зооноздук ооруларды көзөмөлдөө боюнча дарамет күчөтүлүүдө. Мындан тышкары, багбанчылыкты өнүктүрүү, чек ара кызматташтыгын жолго коюу, улуттук биокоопсуздук системасын киргизүү, ошондой эле токой жана жайыт чарбаларына климаттык инвестициялардын эсебинен көмүртекти секвестрлөө боюнча иштер жүргүзүлүүдө.

Олег Гучгельдыев

Кыргыз Республикасындагы ФАОнун Өкүлү

Олег Гучгельдыев климаттын өзгөрүшү, экологиялык стратегиялык пландоо жана биологиялык ар түрдүүлүктү сактоо сыяктуу тармактарда чоң тажрыйбасы бар жогорку кесипкөй адис. Ал ФАОдогу ишин 2016-жылы Борбор Азияда жана Түркияда жерди туруктуу башкаруу боюнча масштабдуу долбоорду иштеп чыгуу боюнча аймактык координатор катары баштаган.

Түркмөнстандын жараны Олег Гучгельдыев ФАОго келгенге чейин ар кандай эл аралык финансы институттары жана өнүктүрүү агенттиктери, анын ичинде Дүйнөлүк банк, Бириккен Улуттар Уюмунун Өнүктүрүү программасы, Бириккен Улуттар Уюмунун Айлана-чөйрөнү коргоо программасы, Эл аралык кызматташтык боюнча Германия коому жана Евробиримдиктин Техникалык жардам көрсөтүү уюмунун Көз карандысыз Мамлекеттер Шериктештигинин программасы менен иштешкен.

Анын Борбор Азияда жана Каспий деңизинин аймагында чоң тажрыйбасы бар. Анын техникалык экспертизасы экосистемалык кызматтарды экономикалык баалоого, потенциалды жогорулатууга, стратегиялык пландаштырууга жана айыл чарбасын өнүктүрүүгө байланышкан маселелерди камтыйт. Олег Гучгельдыевдын мамлекеттик экономиканы башкаруу боюнча магистратуралык даражасы бар.

ФАОнун Кыргызстандагы кесипкөй командасы, айыл чарбасын өнүктүрүүгө жана өлкөнүн азык-түлүк коопсуздугун камсыздоого өздөрүн арнаган жогорку квалификациялуу адистерди бириктирет.

Уюмдун эксперттери агрардык-өнөр жай комплексинин ар кандай тармактарында эл аралык тажрыйбага жана билимге ээ. Команданын ар бир мүчөсү өз тармагында таанылган адис катары алдыңкы тажрыйбаны жана инновациялык чечимдерди берүүгө багытталган.

Командада төмөнкү тармактар боюнча эксперттер бар:

• Агрономия
• Азык-түлүк коопсуздугу
• Ветеринария
• Мал чарбасы
• Аквакультура
• Суу ресурстарын башкаруу
• Токой чарбасы
• Жаратылыш ресурстарын башкаруу
• Айыл жерлерин өнүктүрүү

Команда үчүн башкы приоритет – заманбап технологияларды жана иш ыкмаларын киргизүү, жергиликтүү адистерди окутуу, ошондой эле өлкөнүн айыл чарба секторун өнүктүрүү үчүн долбоорлорду ишке ашырууга көмөктөшүү.