Информации за проектот

Овој проект се фокусира на натамошно унапредување на политиките за консолидација на земјиштето, како и на проширување на конкретните интервенции на терен, под водство на Министерство за земјоделство, шумарство и водостопанство (МЗШВ). 

Основна цел

Основна цел на проектот „Унапредување на консолидацијата на земјиштето во Северна Македонија“ е да го поддржи МЗШВ во понатамошно унапредување на консолидацијата на земјиштето во Северна Македонија. Ова вклучува подобрување на националната политика, институционалната и регулаторната рамка во врска со консолидацијата на земјиштето. Проектот ќе ја поддржи имплементацијата на Националната Програма за консолидација на земјиштето преку реализација на консолидациони постапки во Дабјани (Општина Долнени) и Чифлик (Општина Чешиново-Облешево), кои ќе опфатат и изградба на земјоделска инфраструктура.

Очекувани резултати

Проектот ја поддржува Националната стратегија за земјоделство и рурален развој на Северна Македонија 2021 – 2027 година, преку:

• Зголемување на конкурентноста на земјоделскиот сектор;
• Засилување на економската стабилност;
• Зголемување на приходите од земјоделството и условите за живот во руралните средини;
• Намалување на површината на напуштено земјиште;
• Одржливо управувањето со природните ресурси.

Додадена вредност

Проектот носи дополнителна вредност преку креирање на позитивни промени, како на локално ниво, така и за пошироката заедница. Клучни придобивки се:

• Поголема земјоделската ефикасност: Подобрената структура на земјоделското земјиште овозможува поголема ефикасност и продуктивност на земјоделското производство.
• Развој на пазарот на земјоделско земјиште: Формализирање на трансакциите со земјиште и ажурирање на податоците за сопственост, што води кон поефикасен и правичен пазар на земјоделско земјиште и сигурност врз сопственоста на земјиштето.
• Модернизирање на земјоделската инфраструктура: Подобри пристапни патишта до нивите, системи за наводнување и одводнување, согласно локалните потреби. Ова придонесува враќање на напуштенотото земјоделско земјиште во функција, како и примена на одржливи земјоделски практики.
• Подобрување на условите за живот во руралните средини: Поголем потенцијал на руралните средини, можности за нови инвестиции и подобри услови за живот и работа, особено за младите земјоделци.  
• Родова еднаквост: Во процесот на консолидација на земјиштето, правата на окрупнетото земјиште се регистрира на име на двајцата сопружници, што ја зајакнува економската положба на жените.